ఆంగ్ల మూలం: డి.హెచ్.లారెన్స్
తెలుగుసేత: మూర్తి కెవివిఎస్
Yvette తండ్రి కి తెలిసింది ఈమె ఈస్ట్ వుడ్ వాళ్ళ తో సన్నిహితం గా ఉంటుందని.తండ్రి ఈ విషయాన్ని పెద్ద గా పట్టించుకోడులే అనుకుంది.ఇలాంటప్పుడు హాస్యం గా ఏదో అనడం చేస్తుంటాడు.మరీ వెనకటి మనిషి లా కాకుండా ఈజీ గా తీసుకుంటుంటాడు తనకి తెలిసినంతవరకు..!
రెక్టార్ స్థానం లో ఉన్న ఆ తండ్రి తను కన్సర్వేటివ్ అనార్ఖీ అని చెప్పుకుంటాడు.బయట కనబడే చాలామంది లాగే ,దేన్నీ నమ్మనివాడే..!అనార్ఖీ అనేది మాత్రం అతడిమాటల్లో,రహస్య ఆలోచన ల్లో ఉంటుంది.
ఆ అనార్ఖీ తెచ్చిపెట్టే ఫలితాల పట్ల ఉండే భయం తో తన ప్రతీ చర్య నీ కంట్రోల్ చేసుకోవడానికి కన్సర్వేటివ్ గా ఉంటాడు.అతడి ఆలోచనలన్నీ భయం కలిగించేవి గా నే ఉంటాయి.అందుకనే అతని జీవితం లో అన్ కన్వెన్షనల్ అనే దానికి బాగా భయపడతాడు.
అలాంటి కన్సర్వేటిజం,భయం ఎక్కువైనపుడు మాత్రం కుక్క మోర ఎత్తి కోపం గా ఉన్నట్లుగా అయిపోతాడు.
"సగం విడాకులు తీసుకున్న ఆ మిసెస్ ఫాసెట్ ఇంకా ఆ ఈస్ట్ వుడ్ ...అదే ఆ చారల సముద్రపు చేప గాడు నీకు ఈ మధ్య ఫ్రెండ్స్ అయ్యారని విన్నాను" అన్నాడు రెక్టార్, కుమార్తె Yvette తో.
"ఆ చారల సముద్రపు చేప ఎవరా అని ఆమె కి మొదట అర్ధం కాలేదు.కాని తండ్రి కోరల్లోని విషాన్ని కనిపెట్టింది.
"తెలిసిన వాళ్ళు...అంతే !వాళ్ళు చాలా మంచి వాళ్ళు,ఒక నెల లోపు పెళ్ళి చేసుకోబోతున్నారు" అంది Yvette.రెక్టార్ ఆమె అమాయకపు మొహం కేసి అసహ్య భావం తో చూశాడు.లోపల ఎక్కడో అతనికి భయం..!
పుటక తోనే తను భయస్తుడు.అలాంటి భయస్తులు సహజం గానే బానిస మనస్తత్వం కలిగి ఉంటారు.వాళ్ళ మెడకి ఉన్న ఇనుప కచ్చడం ఎప్పుడో ఒకప్పుడు విరిగిపోతుందని లోపల ఏదో భయం.
ఈ కారణం చేతనే ఆ రెక్టార్ ఏ ఇది లేకుండా ముడుచుకుని ఉండేవాడు.తన భార్య సింథియా అంటే ఏమిటో తెలిసే వరకు...!తన బానిస మనస్తత్వమే దానికి కారణం.ఓ బానిసకి సహజం గానే స్వేచ్చ గా ఉండే వారి పట్ల ఉండే ఓ కోపం లాంటిదన్న మాట.
Yvette కూడా స్వేచ్చ లో జన్మించినదే...ఏదో ఓ రోజున ఈ ఇనుపకచ్చడాన్ని పగలగొట్టే పని చేస్తుందని అనుమానమే.
"వాళ్ళూ నీ లాంటి వాళ్ళే అనుకుంటా.." అనాడు రెక్టార్ అవహేళనగా నవ్వుతూ..!
"వాళ్ళు చాలా నిజాయితీ గలవారు" అంది ఆమె అంటీ ముట్టనట్లుగా..!
"నిజాయితీ అనే పదానికి నీ బుర్ర లో వేరే అర్ధం ఏదో ఉందనుకుంటా.ఆ ఈస్ట్ వుడ్ ..వాడు తన కంటే పెద్ద దైన దానితో..ముఖ్యంగా దాని డబ్బుల కోసం...వీడి పాట్లు...హాయిగా బతికేయవచ్చు తేరగా అని...మరి దీంట్లో ఏమి నిజాయితీ కనిపించిందో నీకు. నాకైతే అలాటిది ఏమీ కనిపించలేదు.వాళ్ళు నీకు ఎక్కడ పరిచయం అయ్యారు..?" అడిగాడు రెక్టార్.
"నేను సైకిల్ మీద వస్తున్నపుడు...వాళ్ళు కారు లో వస్తున్నారు. అలా మాట్లాడటం జరిగింది.నేను పొరబాటు చేశానని అనుకోవడం లేదు.ఆ స్త్రీ నిజాయితీ గా తోచింది." అంది Yvette.పాపం ఆమె బాధ ఆమెది.
"అప్పటినుంచి ఎన్నిసార్లు ఎన్ని సార్లు కలిశారు"
"మహా అయితే రెండుసార్లు"
"ఎక్కడ"
"స్కోర్స్ బై దగ్గర ఉన్న కాటేజ్ వద్ద"
ఆమె ని చంపేంత అసహ్యం గా చూశాడు రెక్టార్.స్టడీ రూం లోని కిటికీ కర్టెన్ల్ వద్ద కి వెళ్ళాడు.ఎలుక తప్పించుకున్నట్లు.అతని మనసు లో కుమార్తె ఏదో తప్పు చేసిందనే భావం.భార్య సింథియా జ్ఞాపకం వచ్చింది.లోపల మంట గా ఉంది.అశక్తుడవుతున్నాడు.ఆమె ప్రవర్తన భయభక్తులు లేనిది తన దృష్టిలో.కుమార్తె భయపడుతూ నిల్చుంది.అతనిలో పాత సెగలన్ని రేగి అతని అందమైన మొహం లో కోరలు సాచిన వైనం తోచింది.
(సశేషం)
No comments:
Post a Comment